Daginn sem við flugum til St. Pétursborgar var Halloween og höfðum við skreytt vélina hátt og lágt vegna þessa fyrir flugið. Við klæddumokkur svo upp í búninga í tilefni dagsins og voru farþegarnir okkar himinlifandi þegar þeir gengu um borð. Það var sem sagt ein allsherjar Halloween stemning um borð. Flugið var annars stutt og áður en við vissum af vorum við lent í Rússlandi.

Þar vorum við búin að ráðgera skoðunarferð um borgina daginn eftir. Það var stórkostleg ferð þar sem ekið var um borgina og við sáum allar þessar stórkostlegu byggingar og minnismerki sem þar eru. Einnig fórum við og skoðuðum Hermitage safnið sem er hluti af hinni frægu „Vetrarhöll“ , sem Elísabet dóttir Péturs mikla lét reisa. Pétur mikli sjálfur bjó hins vegar í litlu og lágreistu húsi ekki langt frá virkinu sem byggt var sem upphaf borgarinnar.

Um kvöldið var svo borðað á vetingastað sem okkur hafði verið bent á; þar heyrðum við m.a. að verið var að spila disk með Emiliönu Torrini!

Næsta dag var svo farið í gönguferð í kuldanum og margir keyptu sér rússneskar loðhúfur til að verjast kuldanum. Röltum m.a. eftir aðalverlsunrgötunni sem heitir því merka nafni Nevsky Prospekt. Þótti okkur sem verðlag væri mjög hátt í þessu landi og undruðumst það mjög. Nokkur okkar brögðuðum á rússsneskri súpu með rauðrófum og var hún því bleik á litinn. Ekker sérstaklega bragðmikil, en góð í kuldanum.

Kveðja,
ICE1440

Hæ allir, Raggý hér.... leiðinlegt að þið getið ekki fylgst með... en ég skal því reyna gefa ykkur smá samtekt á því sem búið er að gerast þó að ég hafi ekki tekið þátt....

Flugið frá Malaysiu til Agra voru rúmir 6 tímar, fólkið okkar mjög þreytt og frekar óánægt eftir lestarferðina.  Farþegarnir hefðu frekar vilja vera í Bangkok eins og við og njóta svo þæginda flugsins í stað lestar.  Ekki var á það bætandi að við vorum í klukkutíma biðflugi yfir Agra því að þetta er hervöllur og höfðum við því engan forgang fyrir þeirra æfingum sem fólust í fallhlífastökks "droppi" beint yfir flugbrautinni á vellinum.  Eftir lendingu tróðumst við út á ansi þrönga "taxi" vegi en við höfðum þó ágætis "follow me system" í formi crazy asna sem hljóp eins og brjálæðingur meðfram vélinni og fyrir framan hana.

Í Agra fóru farþegarnir í land til að skoða Taj Mahal.  Við áhöfnin höfðum ekki fengið áritun inn í landið en þegar við mættum á svæðið þá var bara ekkert mál fyrir okkur að fara út af flugvellinum.  Nokkrir nýttu sér það og var farið í bílferð á markað þar við keyptum smá gull, mottur, teppi en aðallega indverska saris og silki pasmínur.  Á leið okkar til baka út á völl rak kóarinn augum í skilti sem sagði að við værum einungis 4 km frá Taj Mahal..... grátlegt að hafa misst af því og það svona stutt frá.

Eftir 3 og hálfs tíma bið í Agra þá var haldið að stað til Dubai.  Flugtíminn þangað var 4 klst.  Allir því orðnir rangeygðir af þreytu við lengingu.  Haldið var upp á hótel þar sem sumir fóru í bælið en þeir allra hörðustu í de-briefingu.

Daginn eftir var litið út við sundlaug að mér skilst, síðan í mall og emirates með skíðabrekkunni (kóarinn náði nú að vera með á nótunum þá og skellti sér með) og síðan fóru nánast allir í gull "súkkið".  Hvað var keypt þar, þarf ég að fá stelpurnar til að blogga um.

Pick-up í Dubai var snemma, mjög flott aðstaða á þeim velli fyrir áhafnir.  Okkur boðnir drykkir og lítil fríhöfn á staðnum sem sumir nýttu sér, aðrir skoðuðu og einn fór hamförum í eyðslu, heheheh.  Þegar við vorum komin út í vél ásamt farþegunum þá voru Arabarnir nú ansi flottir á því og báðu alla farþegana innilega afsökunar á seinaganginum við komu vélarinnar 2 dögum áður. Tóku þeir sérstaklega fram að þetta væri hvorki sök Loftleiða/icelandair né A&K.  Smart hjá þeim og þeir fengu klapp fyrir frá öllum.

Flugtíminn frá Dubai til Amman voru rúmir 3 tímar og nú fara leggirnir að styttast héðan í frá og stelpurnar þurfa að endurskipuleggja þjónustuna miðað við miklu styttri flug.  En þetta hefur gengið frábærlega hingað til.  Ekki að spyrja að því enda eðal cabin crew og kokkar.  Og svo auðvitað vitringarnir 3, Baldvin, Orri og Júlli sem voru einmitt að fást við 9 bilunina okkar í síðasta flugi.  Eðalfólk og búið að standa sig frábærlega.

Við lendingu í Amman (um miðjan dag) var kóraninn komin má háan hita og lagðist í bælið.  Aðrir áhafnameðlimir kíktu í bæinn og versluðu smá af týpískum klæðnaði innflytjenda.  Og Alex kíkti í gull "súkkið" hér.  Um kvöldið var svo galadinner með farþegunum þar sem áhöfnin sló í gegn með dansi og gleði.  Þau eru búin að lofa mér að skrifa eitthvað um þetta ævintýri (og öll önnur sem ég hef ekki tekið þátt í) og setja inn myndir.

Dagurinn í dag í Amman fór í bílferð til fornborgarinnar Petru.  Það var víst ógleymanleg og falleg sjón.  Reyndar komust blessaðir kokkarnir ekki með enda þurftu þeir að undirbúa flugið á morgunn. Kóarinn lá í rúminu.  Þá fékk Nína greyið mígrenikast og lá veik í bílnum á leiðinni til Petru en náði nú að jafna sig greyið þegar leið á daginn.

Eftir komuna frá Petru þá var Hrafnhildur svo yndisleg að fara með kóaranum niður í bæ til að versla smá gull og fatnað innfæddra.  Hún Hrafnhildur er nú bara yndisleg perla.

En þá er komið að háttatíma hér í Amman... leið okkar á morgunn liggur til Piza og Bolonga á Ítalíu og er Axel orðinn upptjúnaður af spenningi að hitta hann Luca sinn.

Bestu kveðjur fyrir hönd ICE1440,

Raggý (sem á engar myndir.... sorrý öll)

Halló halló,

erum komin til Malasíu eftir stutt 2 tíma hopp frá Bangkok.  Hér verðum við í eina nótt en á morgunn liggur leiðin til Agra í Indlandi (home of Taj Mahal) og síðar um daginn á vit ævintýra í Dubai.

Hótelið hér er Resort hotel og liggur vil golfvöll af stærstu gerð.  Þá er hér sundlaug sem lítur ljómandi vel út og þar hefur áhöfnin komið sér vel fyrir.  Nema bjálfinn í hægra sætinu.  Hún þurfti náttúrulega að fara eiga við svalahurðina, klemmdi sig allsvakalega og liggur nú fyrir með puttann á kælingu :-)))

Í kvöld er Tim hjá A&K búinn að bjóða okkur í dinner.  Að öllum líkindum verður háttatími svo snemma, við þurfum að vera fersk í fyrramálið þegar við hittum farþegana okkar.  Þau eru að koma úr lestarferð frá Bangkok og við erum viss um að þau hlakka til að koma inn í lúxusinn hjá okkur aftur.

Hingað berast fréttir í malaíska sjónvarpinu um kreppuna á Íslandi og við sendum bara bestu baráttu- og saknaðarkveðjur heim,

ICE1440